لبيــــــــــــــه................................

السلام عليكم ورحمه الله وبركاته

مساء الخير والاحساس والطيبه

لأحلى أعضـاء في احلى منتدى

قصيده بعنوان

((( لبيـــه )))






لبيه للي غلاها أغلى من القلب والروح
لا والله الاهــو قلـبـي وروحــي

مملوح لامـن قالـو النـاس مملـوح
خده كمـا بـراق طيـف(ن) يلوحـي

أروح لا واتــي ولاجـيـت بــروح
ومادامنـي بلـقـاه والله لاروحــي

ومادامنـي لاجيـت لا البـاب مفتـوح
سوالف(ن) زينه وضحـك ومزوحـي

والله ما أسمع فيـه حامـد وممـدوح
وأهل الكلام الشين وأهـل النصوحـي

ومن سبها يانـاس ماهـو مسمـوح
مايـدري ان حبـه بصـدري يفوحـي

من حبها صرت أسهر الليـل وانـوح
وعزي لمـن مثلـي بليلـه ينوحـي

ولي صاحب(ن) يحلف على السد مابوح
وأنـا أعرفـه بـسـر لا مايبـوحـي

كريـم وسنافـي ولاهـوب مجـروح
ذيب(ن) على فعل المراجـل طموحـي

فـلاح بـس أنـي أسميـه فـلـوح
وتكـرم يمينـه لاتسمـى شحـوحـي

ياجعـل يفدونـه ثمانيـن سلـتـوح
اللـي عـن دروب المراجـل تزوحـي

واليوم تكفـى صوبهـا نبقـي انـروح
وأنتـه معـي ملـزوم لازم تروحـي

نبقي نشوف اللي ملت قلبـي جـروح
وخلتني أخفـي فالضمايـر جروحـي






وسلامتكم


تحياتي لكم